«Нефтьче» мәдәният йортында нинди казу эшләре алып барыла?» - Аңлатабыз!

2024 елның 2 августы, җомга

«Әлмәт җылылык челтәрләре» АҖ шәһәребездә магистраль җылыту торбаларын һәм кайнар су линияләрен техник яктан яңадан җиһазлау буенча киң күләмле эшләр башкара.

Расланган график буенча, ел башыннан ук 3200 метрдан артык җылылык челтәре алыштырылган.

Хәзерге вакытта эшләр түбәндәге адреслар буенча алып барыла:

- «Нефтьче» мәдәният йорты

- Ленин ур., 97-170 йорт

- Радищев урамы чаты

- Белоглазов ур.

- Гагарин ур., 24 йорт, Радищев ур., 4,4 а йорт, Белоглазов ур., 113 йорт

- Островский ур., 1/19 йорт

- Гафиятуллин ур., 35 йорт

- Шевченко ур., 122 йорт.

Җир эшләре бара торган урыннарны төзекләндерүгә аерым игътибар биреләчәк.

«Барысының да тиешле хәлгә китерелүен күзәтәчәкбез», - дип билгеләп үтте район башлыгы.

Бу чараларның барысы да Әлмәттә җылылык белән тәэмин итүнең ышанычлылыгын һәм нәтиҗәлелеген арттыруга юнәлдерелгән.