Республика яшьләр форумына гаризалар кабул итү башланды

9 октябрь көнне Республика яшьләр форумы –2013 кә гаризалар кабул итү башланды.

Форум һәрбер яшь кеше яки команда катнашырга мөмкин булган инновацион мәйдан булып тора. Биредә үзеңнең проектыңны якларга, аны гамәлгө кую өчен җәмәгатьчелек һәм дәүләт яклавы табарга мөмкин.

2013 елда форум 8 тематик мәйданга бүленә:“Яшьләр фәне һәм инновацияләр”, “Архитектура һәм шәһәр мохиты”, “Мин эшмәкәр!”, “Куркынычсызлык”, “Инициатива”, “Илһам“,
“Инфо агым”, “Киләчәккә старт”.

Исәп буенча дүртенче тапкыр үткәрелүче форум агымдагы елның октябрь аеннан 2014 елның февраленә кадәр дәвам итәчәк. Чараның финал өлешен Россия фәне көне уңаеннан, Татарстан Республикасы Президенты катнашында уздыру планлаштырыла.

Форумда 16 дан 30 яшькә кадәрге талантлы яшьләр, балалар һәм яшьләрнең иҗтимагый оешмалары катнаша ала. Иң уңышлы дип табылган проектлар һәм яшьләр программалары сайлап алынып 100 000 сум күләмендә Татастан хөкүмәте ярдәмен алачак.

Гаризалар 25 октябрьгә кадәр www.forumtatarstan.ru сайтында кабул ителә.