Әлмәттә гомумшәһәр планеркасы булды
Бүген, 29 июльдә, гомумшәһәр планеркасы туган көн бәйрәмен котлаудан башланды. Туган көнен район Советының мобилизация бүлеге җитәкчесе Рафаэль Гафуров билгеләп үтә.
Киңәшмәне ачып, район башлыгы Тимур Нагуманов районда булачак зур вакыйгалар темасына кагылды. Сентябрьдә Нефтьчеләр көне һәм Татарстан Республикасы Дәүләт Советына сайлаулар узачак. Район башлыгы әлеге чараларга әзерлек инде хәзер үк көчәйтелгән режимда алып барылырга тиешлеген ассызыклады. «Һәркем үз өлешенә әзерләнергә тиеш», - диде Тимур Нагуманов.
Шулай ук планеркада яңа уку елына әзерлек турында да фикер алыштылар. Быел районда кайбер мәгариф учреждениеләре җитди яңартыла. «Әгәр кайдадыр проблемалар бар икән, мин сездән мөмкин кадәр тизрәк сигнал бирүегезне сорыйм», - дип мөрәҗәгать итте район башлыгы Әлмәт муниципаль районы мәгариф идарәсе җитәкчесе Ирина Павловскаяга.
Тимур Нагуманов төзекләндерү эшләрен тиешенчә башкармаган өчен җитәкчеләрне тәнкыйтьләде. Ул «ГУАД» МУП директоры Рәфис Сафиуллинга эшләрнең барлык этапларына контрольне көчәйтергә һәм вәзгыятьне ачыкларга кушты, чөнки төзекләндерү барышында кабул ителгән кайбер проект карарлары сораулар тудыра. «Анда нәрсә тикшерергә? Анда үзгәртергә кирәк. Карарларның сыйфатына төшенергә кирәк», - диде Тимур Нагуманов. Ул шулай ук ТР рәисе Рөстәм Миңнеханов инициативасы белән гамәлгә ашырыла торган «Безнең ишегалды» программасының үтәлешендә кимчелекләр булмаска тиешлеген ассызыклады.
Планеркада төп доклад белән Сиренькино авыл җирлеге башлыгы Дмитрий Севастьянов чыгыш ясады. Ул авыл җирлегенең социаль-икътисади үсеше турында сөйләде.
Планерка ахырында Әлмәт муниципаль районы Советы Аппараты җитәкчесе Роза Әфләтунова алдагы атнага планлаштырылган чаралар турында мәгълүмат бирде.