Яхшы хәбәр: тиен белән барысы да яхшы

2024 елның 12 июле, җомга

Буалар шарлавыгында яшәүче тиен үз йортына кайткан.

«Экология һәм төзекләндерү департаменты» МБУ директоры урынбасары Әдел Галимов хайванның хәле начараюның сәбәбе азыктан агулану булганлыгын һәм мондый хәлләр кабатланмасын өчен берничә киңәш биргәнен сөйләде:

«Сезгә шуны искәртергә телибез: вольерда булган тиеннәргә: грек чикләвеге, кедр чикләвеге, кыздырылмаган кабак һәм көнбагыш орлыкларыннан башка сыйлар бирергә ярамый. Хайванның рационын кишер, алма (яңа яки киптерелгән килеш), киптерелгән җиләк-җимеш, киптерелгән җиләкләр белән дә төрләндерергә мөмкин».