47 йорт күп фатирлы йорт капиталь ремонт кысаларында ремонтланачак

2024 елның 20 июне, пәнҗешәмбе

Быел Әлмәт районында 47 күп фатирлы йорт ремонтланачак. Аларның 36сында эшләр бара инде. Бу хакта район башлыгы Тимур Нагуманов үзенең телеграмм-каналында хәбәр итте.

Подрядчылар түбәләрне ремонтлауга, чердакларны җылытуга, вентиляция системаларын ремонтлауга керештеләр инде. Шулай ук эчке инженерлык челтәрләрен ремонтлау, фасадларны җылыту һәм буяу, тәрәзәләрне алыштыру, керү төркемнәрен ремонтлау һәм лифт җиһазларын алыштыру планлаштырыла.

Эшләрнең гомуми бәясе 485 млн. сум тәшкил итә. Түбәләр, фасадлар һәм җылыту системалары август уртасына кадәр әзер булырга тиеш, калган эш төрләре 30 сентябрьгә кадәр әзер булырга тиеш.

«Объектларны тапшыру срокларын үтәүне контрольдә тотабыз. Үтәлешнең сыйфаты да тикшереләчәк», - диде район башлыгы Тимур Нагуманов.