Әлмәт муниципаль районында рөхсәтсез чүплекләрне бетерү буенча актив эш дәвам итә

2024 елның 21 мае, сишәмбе

Әлмәт районында Экология һәм төзекләндерү департаменты рөхсәтсез чүплекләрне бетерүне дәвам итә. 2024 елның 1 апреленнән 266 куб чүп чыгарылган. Бу айларда 894 кв. м. мәйданлы рөхсәтсез калдыклар урнаштыру өчен 81 урын ачыкланган.

Рөхсәтсез чүплекләрне бетерү санитар-экологик икеайлык кысаларында уза. Экология һәм төзекләндерү Департаменты көчләре каты көнкүреш калдыкларын күмү белән бәйле экологик зыянны киметүгә юнәлтелгән.

Шунысын да билгеләп үтәргә кирәк, рөхсәтсез чүплекләрне бетерү - бу әйләнә-тирә мохитнең чисталыгы турында кайгырту гына түгел, ә район халкы өчен уңайлы шартлар тудыруга мөһим адым да.

Рөхсәтсез чүплекләрне бетерү эшләре дәвам итә, һәм тиздән безнең район тагын да чистарак һәм уңайлырак яшәү урыны булыр дип өметләнәбез.