Бүген «Һөнәре буенча иң яхшысы» Бөтенроссия конкурсының тантаналы ачылышы булды
15-17 май көннәрендә Әлмәттә «һөнәре буенча иң яхшы» машина төзелеше комплексы предприятиеләре арасында һөнәри осталык буенча IV Бөтенроссия конкурсы уза. Чараны оештыручылар - «Римера» компанияләр төркеме һәм Татарстан Республикасы сәнәгать һәм сәүдә министрлыгы ярдәме белән Әлмәт муниципаль районы башкарма комитеты.
Елдан-ел конкурс зуррак вакыйгага әверелә бара. Быел номинацияләр саны ундүрткә кадәр артты, катнашучылар саны 150дән артык. Экспертлар иң яхшы токарьны, электр җиһазларын ремонтлау һәм аларга хезмәт күрсәтү буенча электромонтер, программа белән идарә ителә торган станоклар операторын, металл һәм эремәләрне коючыны, эретеп ябыштыручыны, механика җыю эшләренең слесарын, мастерны, инженер-технологны, хезмәтне саклау буенча белгечне, икътисадчыны, бухгалтерны, HR-белгечне, остазны, яшьләр белән эшләү буенча белгечне билгеләячәк.
Ярышлар өч мәйданчыкта узачак: Татарстанның киләчәк көллияте, КНИТУ-КАИның Әлмәт филиалы һәм Әлмәт һөнәри көллияте.