2024 елның 1 маенда Әлмәттә Халыкара хезмәтчәннәр бердәмлеге көненә багышланган 64 нче җиңел атлетика эстафетасы узачак

2024 елның 25 апреле, пәнҗешәмбе

Бу төрле яшьтәге һәм һөнәр ияләрен берләштерә торган уникаль спорт вакыйгасы. Эстафета инде күп еллар үткәрелә һәм безнең шәһәр өчен традицион чара булып тора.

Эстафета Ленин-Гагарин урамнары киселешеннән 9.00 сәгатьтә башлана һәм 14.00 сәгатькә кадәр дәвам итәчәк.

Эстафета вакытында Ленин урамында транспорт чаралары хәрәкәте ябылачак (Җәлил урамыннан Маяковский урамына кадәр, Гагарин, Радищев, Пушкин, Чехов, Островский урамнарыннан чыгу урыннары белән).

Барлык теләүчеләрне эстафетада катнашырга яки катнашучыларга ярдәм итәргә чакырабыз.