Әлмәт драма театры 69 нчы иҗат сезонын ачты

26 сентябрь көнне Әлмәт драма театры юбилей алды, 69 нчы сезонын ачты. Нефтьчеләр башкаласының әдәби, рухи тормышында мөџим урын алып торган әлеге вакыйга тантаналы чара белән башланып китте. Артистларны џәм тамашачыларны Әлмәт муниципаль районы башлыгы урынбасары Наҗия Хәйдәрова тәбрикләде. Ул әлеге бәйрәмнең район џәм шәџәр өчен олы юбилейлар белән билгеләнгән истәлекле елда үткәрелеүен ассызыклады, сезон ачылу уңаеннан район башлыгы Мәҗит Салихов исеменнән Совет џәм башкарма комитетның тәбрикләүләрен җиткерде. Таетрның директоры Фәридә Исмәгыйловага “Әлмәт шәџәренең 60 еллыгы” юбилей билгесен тапшырды. Бәйрәмнең кульминацион ноктасы ,әлбәттә инде, “Ел актеры” премияләренә лаек булучыларны бүләкләү. Агымдагы елда әлеге мактаулы исемгә үткән сезондагы эшләре өчен Татарстанның халык артисты Луиза Солтанова џәм артист Динар Хөснетдинов лаек булды.
Коллегаларын тәбрикләргә Г.Камал театры артистлары да килгән иде. Фәнис Җиџаншин Әлмәт драма театрының республика гына түгел, Россиянең мәдәни күгендә якты йолдыз кебек януын билгеләп, зур тарихлы, зур киләчәкле коллектив булуын әйтте, котлауларын җиткерде.

Дөрестән дә, Әлмәт артистларының уңышлары бихисап. Сезон ачылганчы алар Самара өлкәсенә гастрольдә булып, 11еннән 17сенә кадәр өлкә авылларында И.Зәйниевнең “Сагынуларга ни чара?” спектаклен уйнады..Самара шәһәрендә I регионара “Театраль Идел” фестивале төгәлләнде. Идел буе шәһәрләре ассоциациясе, Самара Театр әһелләре берлеге һәм Самара шәһәр округы администрациясе уздыра торган бу фестивальдә Казан, Саратов, Волгоград, Ульяновск, Тольятти, Саранск, Түбән Новгород, Пенза, Саратов шәһәрләреннән килгән театрлар 14 спектакль күрсәтте. Әлмәт театры фестивальдә Б.Брехтның “Туй” (Мещанская свадьба) спектакле белән катнашты һәм ике номинациядә җиңү яулады. Кияүнең Дусты образын башкарган Динар Хөснетдинов “Икенче пландагы ир-ат образын иң яхшы башкаручы” номанациясендә бүләкләнде. Спектакльнең режиссеры Искәндәр Сакаев “Иң яхшы режиссер эше” номинациясендә җиңүгә лаек булды. Аның Әлмәт театрында куйган «Гашыйк Кәриб» спектакле Татарстан, Россия күләмендә күп фестивальләрдә катнашып җиңү яуларга өлгергән иде инде.

Май аенда театр Төркиянең Мәрмәрис шәһәрендә узган Халыкара сәнгать фестивалендә катнашты. Артистлар фестивальдә М.Лермонтовның “Гашыйк Кәриб” спектаклен уйнады. “Гашыйк Кәриб”нең бу алтынчы фестивале. Режиссер Искәндәр Сакаев куйган ярлы җырчы Кәриб хакындагы мәхәббәт легендасы Әлмәт театры тарихында иң күп фестивальләрдә катнашкан спектакль.
Быелгы сезон ачылышына да коллектив зур бүләк белән килде. Тамашачыларга Т.Гыйззәтнең “Кыю кызлар” спектакленең премьерасы тәкъдим ителде. Быел труппага килеп кушылган Римма Лотфуллина, Лилия Харитонова,Казан театр училищесыннан килгән Алинә Мөдәрисова, Фаил Сафиуллин, Алмаз Шаһимәрдәнов, Рифат Әхмәдиевләр өчен бу беренче зур сынау булды. Спектакльне танылган артист һәм режиссер Илдар Хәйруллин сәхнәләштергән.

Фәрдия Хәсәнова, “Альметьевский вестник” газетасы