Әлмәттә гомумшәһәр планеркасы узды
Бүген, 12 февральдә, Әлмәт муниципаль районының гомумшәһәр планеркасы узды.
Киңәшмәне ачып, район Башкарма комитеты җитәкчесе Айдар Каюмов кар җыю буенча башкарылган эшне билгеләп үтте һәм бу юнәлештә тырышлыкларны дәвам итәргә кирәклеген белдерде. Ул шулай ук шәһәрнең җаваплы хезмәтләренә мөмкин булган су басуларга әзерләнергә кушты.
Планеркада төп доклад белән «Таттелеком» ПАО Әлмәт ЗУЭС филиалы директоры Артем Надин чыгыш ясады. Ул «Таттелеком» ААҖнең 2023 елдагы эшчәнлеге нәтиҗәләре турында сөйләде.
««Таттелеком» - Татарстан Республикасында 135 еллык тарихы һәм тәҗрибәсе булган иң эре телекоммуникация хезмәтләре операторы. Безне һәр өченче кеше һәм һәр икенче оешма сайлый», - дип билгеләп үтте Артем Надин.
Әлмәт филиалы структурасы ун муниципаль районны үз эченә алган ун бүлекчәдән тора.
Әлмәт филиалы үз инфраструктурасын актив үстерә. Шәһәрдә 319 акыллы домофон урнаштырылган. «Beward» маркалы IP-домофоннар видеокүзәтү камералары белән җиһазландырылган, аларны шәһәр видеокүзәтү зонасын, шулай ук йорт яны территориясен арттыру өчен «Куркынычсыз шәһәр» видеокүзәтү системасы серверларына тоташтырырга мөмкин.
Моннан тыш, филиал хоккей турнирларын оештыру, «Россия чаңгы юлы» массакүләм стартларына ярдәм итү, махсус ихтыяҗлары булган балалар өчен бәйрәмнәр үткәрү, шулай ук ветераннарны котлау кебек социаль проектларда актив катнаша.
Планерка ахырында Әлмәт муниципаль районы Советы Аппараты җитәкчесе Роза Афлятунова алдагы атнага планлаштырылган чаралар турында мәгълүмат бирде.