Безнең илдә билгеләп үтелә торган Россия Фән көне аеруча мөһим
Татарстан Республикасы Президенты Рөстәм Миңнеханов 2024 елны республикада Фәнни-технологик үсеш елы дип игълан итте.
Күптән түгел Әлмәттә «Югары нефть мәктәбе» фәнни-тикшеренү һәм уку үзәген ачу тантанасы булды. Ачылу тантанасында РФ Президенты Владимир Путин һәм ТР Рәисе Рөстәм Миңнеханов катнашты.
Владимир Путин билгеләп үткәнчә, кампусларны ачу - гомумән ил буенча мәгариф инфраструктурасын үстерүдә мөһим адымнар.
«Гомумән алганда, Балтикадан Тын океанга кадәрге унъеллык горизонтында заманча уку һәм торак корпуслары, иҗат, спорт, ял итү өчен киңлекләре булган 25 студентлар шәһәрчеге булдыру планлаштырыла. Студентларның гармонияле үсеш, сыйфатлы белем, фән һәм хәтта эшкуарлык өчен киң мөмкинлекләре булсын. Ә компанияләр югары квалификацияле белгечләр һәм яхшы кадрлар алачак, студентлар һәм аспирантлар белән бергә тикшеренүләр һәм эшләнмәләр белән шөгыльләнә, технологияләр һәм кирәкле конкурент продуктлар булдыра алачак», - дип билгеләп үтте Россия Президенты.
Бүген без үз гомерләрен фәнгә багышлаган барлык кешеләрне: галимнәрне, тикшеренүчеләрне, инженерларны, ачышлар һәм эшләнмәләр өстендә эшләүчеләрне һәм фәнни казанышлар аша безнең район, республика һәм ил үсешенә кыйммәтле өлеш кертүчеләрне котларга телибез!