Персонал белән идарә итү буенча иң яхшы белгеч – 2024
2024 елның 8 февралендә «Персонал белән идарә итү буенча иң яхшы белгеч – 2024» II төбәкара конкурсы узачак (дистанцион рәвештә электрон форматта).
Конкурсны оештыручылар булып персонал белән идарә итү өлкәсендә һөнәри квалификацияләр буенча Совет, Башкортстан Республикасы Гаилә, хезмәт һәм халыкны социаль яклау министрлыгы, Башкортстан Республикасында Дәүләт хезмәт инспекциясе, Башкортстан Республикасы профсоюзлар Федерациясе, «Квалификацияләрне бәяләүнең тармак-ара үзәге» ҖЧҖ һәм Башкортстан тармак-ара Институты тора.
Конкурста катнашучылар өчен оештыру взносы каралмаган.
Конкурсның төп максатлары - Россиядә оешмаларның персоналы белән идарә итү өлкәсендә иң яхшы белгечләрне ачыклау һәм бүләкләү; «персонал белән идарә итү өлкәсендә белгеч» һөнәри стандартына туры килү өчен конкурсантларның белем дәрәҗәсен ачыклау; эш бирүчеләрнең һәм хезмәткәрләрнең игътибарын «персонал белән идарә итү өлкәсендә белгеч»вазыйфасының квалификациясен күтәрү, абруен һәм әһәмиятен күтәрү мәсьәләләренә җәлеп итү.
Конкурста катнашу өчен РФ территориясендә теркәлгән предприятиеләр, оешмалар, учреждениеләр (ведомстволар) тарафыннан тапшырылган, биләгән вазифаларында эш тәҗрибәсе булган белгечләр чакырыла. Оешмадан бер генә вәкил катнашырга хокуклы. Оешма, предприятие, учреждение (ведомство) вәкилләренең бер үк ИНН белән, әмма Россия Федерациясенең төрле субъектларында урнашкан һәм башка КПП булган аерым бүлекчәләрдән (салым исәбенә кую сәбәпләре коды) катнашуы рөхсәт ителә.
Конкурс нәтиҗәләре буенча 1 нче, 2 нче һәм 3 нче урыннарны алган катнашучылар дипломнар һәм җиңүчеләр Кубогы белән бүләкләнәләр, аларга «Персонал белән идарә итү буенча иң яхшы белгеч - 2024» исеме бирелә. Моннан тыш, «Конкурста иң яшь катнашучы» һәм «Персонал белән идарә итү өлкәсендә күпьеллык эш стажы өчен» номинацияләрендә, шулай ук тармакның иң яхшы белгече исеменә (ОКВЭД коды буенча) катнашучылар билгеләнәчәк. Конкурс нәтиҗәләре һәм «Россиянең персонал белән идарә итү буенча 10 иң яхшы белгеч – 2024» рейтингы массакүләм мәгълүмат чараларында басылып чыга.
Конкурста катнашу нияте турында гаризалар 2024 елның 04 февраленә кадәр (шул исәптән) институт сайтында кабул ителә.
Катнашучыларга 2024 елның 6 февралендә 10:00 сәгатьтән 11:00 сәгатькә кадәр (Мәскәү вакыты) сынау тесты узу мөмкинлеге биреләчәк .
Конкурс 2024 елның 8 февралендә 10.00 сәгатьтә (Мәскәү вакыты) узачак.
Конкурсны үткәрү шартлары һәм тәртибе турында тулырак мәгълүмат: +7 347 251-56-80.
Конкурста катнашу белгечләр өчен үзләрен белдерү өчен реаль мөмкинлек, ә предприятие өчен үз абруен күтәрү мөмкинлеге!