Татарстанда трасса участокларында автобуслар һәм йөк машиналары хәрәкәтен чикләү кертелде
Чикләүләрнең сәбәбе - уңайсыз һава шартлары.
Автобуслар һәм йөк машиналары өчен хәрәкәтне вакытлыча чикләү Татарстан Республикасында федераль автомобиль юллары участокларында кертелде. Бу хакта "Волга-Вятскуправтодор" ФКУның матбугат хезмәте хәбәр итә.
"2024 елның 15 гыйнварында 17:00 сәгатьтән федераль әһәмияттәге автомобиль юллары участокларында шәһәрара автобуслар, маршрут таксилары һәм йөк транспорт чаралары хәрәкәтенә вакытлыча чикләүләр кертелә", - диелә хәбәрдә.
Чикләүләр М-7 "Волга" Мәскәү - Владимир - Түбән Новгород - Казан - Уфа 735+683 км 1169+336; М - 7, Ижау һәм Пермь шәһәрләренә керү юлы 0+000 км 28+916; М - 7, Киров шәһәренә керү юлы 15+760 км 127+190; Р - 241 Казан - Буа - Ульяновск км 0+000-км 136+969; Р - 239 Казан - Ырымбур - Акбүләк-Казахстан Республикасы белән чик км 10+910 - км 399+065; Р - 239, аэропортка керү юлы км 0+000 - км 6+400; А-295 Йошкар - Ола - Яшел Үзән - М - 7 "Волга" автомобиль юлы км 95+566-км 126+279; А - 151 Цивильск-Ульяновск км 122+805 км 136+710.
Чикләүләрнең сәбәбе - начар һава шартлары: кар, көчле ян җиле, түбән буран, күрү мөмкинлеге чикләнгән.
"Уңай һава шартлары килгәнче чикләүләр сакланачак", - диелә хәбәрдә.