Медицина ярдәме Рус Акташы авылы һәм якындагы авыл җирлекләре халкы өчен якынрак була
2023 елның 22 декабрендә Акташ участок хастаханәсенә капиталь ремонт эшләре тәмамланды. Проект «Татнефть» ААҖ грантлары» программасы кысаларында гамәлгә ашырылды.
Акташ участок хастаханәсе-Әлмәт РҮХнең амбулатор-поликлиника һәм беркетелгән халыкка стационар медицина ярдәме күрсәтүче структур бүлекчәсе. Хастаханә бинасында беренчел медицина-санитар ярдәм күрсәтүче бүлекчә, тәүлек әйләнәсе 13 урынлык стационар, 10 урынлык көндезге стационар урнаштырылган. Хастаханә 11 беркетелгән авылдан 5700 кешегә хезмәт күрсәтә.
Капиталь ремонт кысаларында төзелеш-монтаж эшләре, инженерлык челтәрләрен алыштыру, 25 млн сум күләмендә «Татнефть» ААҖ гранты хисабына үзәкләштерелгән канализациягә тоташтыру үткәрелде. Төзелеш-монтаж эшләрен башкаруга өстәмә рәвештә Татарстан Республикасы бюджетыннан 11,7 млн сум бүлеп бирелгән. Бу медицина ярдәме күрсәтү шартларын һәм уңайлылыгын яхшыртырга мөмкинлек бирде.
«Сәламәтлек саклау» милли проектының «Сәламәтлек саклауның беренчел звеносын модернизацияләү» төбәк проектын гамәлгә ашыру кысаларында Татарстан Республикасы Сәламәтлек саклау министрлыгы акчалары хисабына заманча медицина җиһазлары, шул исәптән АД һәм ЭКГ холтерлары, заманча лаборатория җиһазлары сатып алынды. Шулай ук ТР Сәламәтлек саклау министрлыгы хастаханә өчен медицина инвентары, оргтехника, мебель һәм навигация сатып алган. Проектны финанслау суммасы 9 млн. сум.
«СМП-Нефтегаз» АҖ компаниясе хастаханә тормышына зур өлеш кертә. Әйтик, Акташ участок хастаханәсенә иң яңа стоматологик җиһазлар, шул исәптән стоматологик рентген-аппарат сатып алынган, аларның гомуми суммасы 500 мең сум.
Үткәрелгән чаралар медицина ярдәменең сыйфатын һәм мөмкинлеген яхшыртуга ирешергә, авыл халкы өчен медицина ярдәмен якынайтырга мөмкинлек бирде.