17 нче урта гомуми белем бирү мәктәбе укучылары да «Кышкы каникуллар» оператив-профилактик чарасында катнаштылар

2023 елның 28 декабре, пәнҗешәмбе

«Кышкы каникуллар» оператив-профилактик чарасы кысаларында 17нче урта гомуми белем бирү мәктәбендә 2-3нче сыйныф укучылары белән чара узды.

Яшь хәрәкәт инспекторлары кыш көне урамда үз-үзләрен тоту кагыйдәләре белән таныштырдылар, балалар табышмакларны чиштеләр, карточкалар буенча биремнәр үтәделәр, юл билгеләрен кабатладылар. Барлык актив катнашучылар да Кыш Бабайдан тәм-томнар һәм яктылык кайтаручы элементлар алдылар. Кунаклар балалар белән СВЭ кию һәм юл хәрәкәте куркынычсызлыгы кагыйдәләрен үтәүнең мөһимлеге турында профилактик әңгәмә үткәрделәр.