Әлмәттә Әлмәт муниципаль районы Советының утыз дүртенче сессиясе һәм шәһәр Советы утырышы узды
21 декабрьдә Әлмәт муниципаль районы Башкарма комитетының зур залында район Советының утыз дүртенче сессиясе һәм Әлмәт шәһәр Советының утыз дүртенче утырышы узды. Аның эшендә Әлмәт муниципаль районы башлыгы Тимур Нагуманов җитәкчелегендә район һәм шәһәр Советы депутатлары, мактаулы гражданнар, шәһәр прокуроры, хокук саклау органнары, Совет һәм Башкарма комитет җитәкчеләре, шәһәр активы һәм массакүләм мәгълүмат чаралары вәкилләре катнашты. Уртак сессиянең көн тәртибенә 9 проект кертелде.
Сессиядә "2024 елга Әлмәт муниципаль районы муниципаль мөлкәтен хосусыйлаштыруның фараз планы (программасы) турында" карар проекты каралды, аның белән җир-мөлкәт мөнәсәбәтләре һәм шәһәр төзелеше эшчәнлеге комитеты рәисе Ильвира Пузырева чыгыш ясады. Ул шулай ук Әлмәт муниципаль районы советының "Әлмәт муниципаль районы Миңнебай авыл җирлегендә җирдән файдалану һәм төзелеш кагыйдәләрен раслау турында" 2023 елның 29 мартындагы 203 номерлы карарына үзгәрешләр кертү хакында доклад белән чыгыш ясады.
Шулай ук сессиядә Әлмәт муниципаль районы һәм Әлмәт шәһәре бюджетларында 2023 елга һәм 2024 һәм 2025 еллар план чорына үзгәрешләр турында фикер алыштылар. ТР ӘМР ФБП рәисе Зөлфия Шәйдуллина әлеге мәсьәлә буенча доклад белән чыгыш ясады. Кертелгән үзгәрешләр район һәм шәһәр үсешендә өстенлекле бурычларны хәл итү өчен финанс ресурсларын нәтиҗәлерәк бүлеп бирергә мөмкинлек бирәчәк.
Традиция буенча сессия дәүләт һәм муниципаль бүләкләр тапшыру тантанасы белән тәмамланды.