Тимур Нагуманов: «Без кабул иткән бюджет проектлары - районда халыкның сыйфатлы тормышын тәэмин итү өчен төп нигез»
6 декабрьдә район башкарма комитетының зур залында район Советының утыз өченче сессиясе һәм Әлмәт шәһәр Советының утыз өченче утырышы узды. Аның эшендә район башлыгы Тимур Нагуманов рәислегендә район һәм шәһәр Советы депутатлары, ТР Дәүләт Советы депутаты Марат Галиев, мактаулы гражданнар, шәһәр прокуроры, хокук саклау органнары, Совет һәм Башкарма комитет җитәкчеләре, шәһәр активы, ММЧ катнашты. Уртак сессиянең көн тәртибенә 13 проект кертелде.
«2024 елга, 2025-2026 елларның план чорына район һәм Әлмәт шәһәренең социаль-икътисади үсешенең төп күрсәткечләрен фаразлау турында» доклад белән онлайн режимда район башкарма комитеты җитәкчесенең икътисад буенча урынбасары вазыйфаларын башкаручы Аяз Ямалетдинов чыгыш ясады.
Ул билгеләп үткәнчә, тормыш дәрәҗәсен күтәрүнең мөһим факторы булып район икътисадына инвестицияләр җәлеп итү тора.
2023 елда инвестицияләр күләме 75,3 млрд сум дәрәҗәсендә көтелә, бу 2022 ел күрсәткеченнән 4 процентка күбрәк. 2024-2026 елларда 77-82 млрд.сум дәрәҗәсендә. эре проектларның берсе булып «Татнефтедор» компаниясенең 156 млн. сумлык асфальт катнаштыру җайланмасы төзелеше тора. «Татбурнефть «ҖЧҖ 1,3 млрд сумлык бораулау комплексын модернизацияләү проектын гамәлгә ашыра. Ремонт чыгымнарын киметү максатыннан «ВМЗ» АҖнең Әлмәт шәһәрендәге филиалы Россиядә аналогы булмаган 10 млн сумлык торбалар җитештерү өчен каты эремәле валкылар комплектын уйлап тапкан һәм җитештергән. «Әлмәт шәһәрендә киноконцерт залы төзү» инвестиция проекты ТР Инвестиция Советына чыгарылды һәм республика Рәисенең хуплавын алды. Әлеге проект милли һәм академик музыкаль традицияләргә нигезләнгән югары сәнгатьле ял формалаштыру аша шәһәр һәм район халкының тормыш сыйфатын яхшыртуга юнәлдерелгән. Инвестицияләр суммасы 12,6 млрд. сум. 163 эш урыны булдыру планлаштырыла. Проектны гамәлгә ашыру вакыты – 2026 ел.проект инициаторы - «Татнефть» компаниясе.
Сессия 2024 елга һәм план чорына район һәм шәһәр бюджеты турында фикер алышу белән дәвам итте. Мәгълүматны финанс-бюджет палатасы рәисе Зөлфия Шәйдуллина тәкъдим итте.
«Киләсе өч еллык чорга бюджетларның төп параметрлары сакланган. Без кабул иткән бюджет проектлары тулаем районда халыкның сыйфатлы тормышын тәэмин итү өчен база нигезе булып тора», - дип билгеләп үтте район башлыгы докладчы һәм докладчыларның чыгышын анализлап.
Аннары шәһәр Советы депутатлары Әлмәт шәһәренең Объездная урамын Ватанны саклаучылар дип үзгәртү карары буенча тавыш бирде. Шунысын да билгеләп үтәргә кирәк, «ВКонтакте» социаль челтәрендә урамның исемен үзгәртү тәкъдиме иң күп тавыш җыйды. Топонимика буенча комиссиядә әлеге вариант шулай ук хупланган һәм муниципаль хакимият органнарына раслау өчен тапшырылган. Депутатлар бу карарны бертавыштан хуплады.
- Урамның исемен үзгәртү торак йортларга кагылмаячак, аның астына бары тик 48 җитештерү объекты гына эләгәчәк. Җирле үзидарә органнары ФИАС һәм ЕГРНга үзгәрешләр кертү процессын башлаган инде, - дип ассызыклады Башкарма комитет җитәкчесенең төзелеш буенча урынбасары Денис Косарев.
Сессиядә шулай ук җир салымы, Әлмәт вәкиленең «Татарстан Республикасы муниципаль берәмлекләр советы» Ассоциациясенең XVIII съездына делегатлаштырылуы, муниципаль хезмәт турындагы нигезләмә мәсьәләләре каралды.
ТР Дәүләт Советы депутаты Марат Галиев, катнашучылар алдында чыгыш ясап, республика һәм тулаем ил бюджеты турында сөйләде.
«Ил берничә сынау уза. Шуңа күрә Россия Федерациясе субъектларының, шул исәптән муниципаль берәмлекләрнең фаразы да, бюджеты да вакыт белән туры килә. 2023 ел бюджетының төп мәсьәләләре, һәм 2024 елга күчә торган мәсьәләләр – икътисадның алга таба үсешен саклау һәм аның тотрыклылыгы. Алга таба билгеле бер адым ясап, барлык төбәкләрнең яшәү сәләтен саклап калырга кирәк иде. Без нәрсәгә ирештек», - дип ассызыклады ул.
Традицион рәвештә сессия дәүләт һәм муниципаль бүләкләр тапшыру белән тәмамланды.