8 мең кубометрдан артык кар Әлмәт полигонына чыгарылган

2023 елның 25 ноябре, шимбә

Юл хезмәтләре хезмәткәрләре урамнарны һәм юлларны кардан азат итеп, армый-талмый эшлиләр. Махсус техника юлны һәм тротуарларны чистарта, ә җыештыручылар җәмәгать урыннарында тәртип саклый.

Соңгы биш көндә шәһәребез хезмәтләре махсус билгеләнгән территориягә 8335 кубометр кар алып чыга алды. Бу авыр эштә бүгенге көндә 32 берәмлек махсус техника, шул исәптән самосвальләр, грейдерлар, тракторлар, йөк төягечләр, кар төягечләр һәм КАМАЗлар җәлеп ителгән.

Юл хезмәтләре хезмәткәрләре тырышлыгы белән безнең урамнар куркынычсызрак һәм чистарак була, ә шәһәрдәге тормыш уңайлырак һәм күңеллерәк була. Хезмәтегез өчен рәхмәт!