19 ноябрь - Бөтендөнья юл-транспорт һәлакәтләре корбаннарын искә алу көне
Ноябрьнең өченче якшәмбесе Бөтендөнья юл-транспорт һәлакәтләре корбаннарын искә алу көне дип игълан ителде.
Акциянең максаты: БДДны тәэмин итү, юл-транспорт һәлакәтләре нәтиҗәсендә үлем һәм травматизмны киметү, юл-транспорт һәлакәтләренә каршы тору проблемаларына киң җәмәгатьчелекне җәлеп итү, шулай ук юл-транспорт һәлакәтләре корбаннарын искә алу һәм аларның гаилә әгъзаларына кайгы уртаклашу.
13-19 ноябрьдә Әлмәт районында юл хәрәкәте иминлеге буенча Бөтендөнья юл-транспорт һәлакәтләре корбаннарын искә алу көненә багышланган чаралар узачак. Чаралар кысаларында профилактика акцияләре, дәүләт автоинспекциясе хезмәткәрләренең юл хәрәкәтендә катнашучылар, предприятие һәм оешмаларның хезмәт коллективлары белән очрашулары, мәгариф оешмаларында ачык тематик дәресләр һәм ата-аналар җыелышлары узачак.
Чараларда предприятие һәм оешма хезмәткәрләре, уку йортлары студентлары, мәктәп укучылары, балалар-яшүсмерләр автомәктәбе тәрбияләнүчеләре, хәрәкәтнең яшь инспекторлары, Дәүләт автоинспекциясе хезмәткәрләре, «БДД» ДБУ хезмәткәрләре, иҗтимагый оешма вәкилләре катнашачак.
Акциядә катнашучылар тыгыз урамнарда һәм плакатлар белән киселешләрдә юл хәрәкәте кагыйдәләрен үтәргә чакырачаклар һәм юл хәрәкәтендә катнашучыларга яктылык кайтаручы элементлар таратачаклар.
17 ноябрьдә Әлмәт районының барлык мәктәпләрендә «Бердәм юл хәрәкәте иминлеге көне» узачак.