Бакчаларда һәм мәктәпләрдә юл хәрәкәте иминлеге буенча ата-аналар җыелышлары
2 нче «Балачак планетасы», 7 нче «Алтын ачкыч», 9 нчы «Садко», 26 нчы «Елочка», 51 нче «Радуга» балалар бакчаларында һәм Әлмәт шәһәренең 21 нче мәктәбендә - «Дай 5» белем бирү үзәгендә «Балаларның иминлеге - ата – аналарның кайгыртуы» темасына ата-аналар җыелышы узды.
Дәүләт автоинспекциясе һәм «БДД» ДБУ хезмәткәрләре катнашучыларга пассажирларның һәм җәяүлеләрнең юл хәрәкәте кагыйдәләрен үтәүләре турында сөйләделәр, ата - аналарның игътибарын куркынычсызлык каешларын һәм махсус тоткарлау җайланмаларын куллануга, балаларны автомобиль салонында йөрткәндә, җәяүле баланы юл-транспорт һәлакәтеннән ничек саклап калуга һәм моның өчен яктылык кайтаручы элементлар кирәклегенә юнәлттеләр.
Хезмәткәрләр билгеләп үткәнчә, балаларның иминлеге күбесенчә ата-аналарның үзләренә һәм аларның шәхси үрнәгенә бәйле.
Автоинспекторлар ата-аналарны Әлмәт районында аварияләрнең торышы, балигъ булмаганнарның юл хәрәкәте кагыйдәләрен бозулары белән таныштырдылар.
Ахырда тыңлаучылар тематик фильм карадылар, ул ата-аналарның юл хәрәкәте кагыйдәләренә карата кимсетүле мөнәсәбәтенең нәтиҗәләрен ачык итеп күрсәтте.
Оештыручылар мондый чараларны үткәрү ата-аналарның балаларның иминлеге мәсьәләсенә игътибарын арттырыр һәм аларның һәркайсы вакыт бүлеп бирер һәм үз балалары белән өйдә юлда куркынычсызлык кагыйдәләре буенча аңлату әңгәмәләре үткәрер дип өметләнә.