Әлмәттә «Светофор» оператив-профилактик чарасы оештырылачак

2023 елның 27 сентябре, чәршәмбе

Юл-транспорт һәлакәтләре санын киметү һәм юл чатында йөрү кагыйдәләрен бозу белән бәйле нәтиҗәләрнең авырлыгын киметү максатыннан, 27 сентябрьдән 6 октябрьгә кадәр «Светофор» оператив-профилактик чарасы узачак.

Машина йөртүчеләр тарафыннан түбәндәге бозуларга аерым игътибар бирелә:

• светофорның тыю сигналына юлны узу,
• светофорның тыю сигналы булганда юл билгеләре яки юлның йөрү өлеше билгеләре белән билгеләнгән стоп-линия алдында тукталу турында юл хәрәкәте кагыйдәләре таләпләрен үтәмәү.

Хәрәкәт көйләнгән урыннарда җәяүлеләр җәяүлеләр светофоры сигналлары белән, ә ул булмаганда транспорт светофоры белән җитәкчелек итәргә тиеш.

ЮХИДИ бүлеге машина йөртүчеләрдән дә, җәяүлеләрдән дә шәһәр юлларында игътибарлы булуларын һәм юл хәрәкәте кагыйдәләрен үтәүләрен сорый.