Татарстанда Иҗади индустрияләрнең икенче мәктәбе ачылды
Татарстан Республикасы Президенты Рөстәм Миңнеханов инженерлык лицее бинасында урнашкан креатив индустрияләр мәктәбендә булды.
Иҗади индустрияләрнең яңа мәктәбе төзелеше быел февраль аенда башланды.
Креатив индустрияләр мәктәбе «Россиядә уйлап чыгарылган» проекты кысаларында төзелгән һәм 2023 елның 1 сентябрендә креатив индустрияләр өлкәсендә өстәмә гомуми белем бирү программалары буенча эшли башлый.
Әлмәт шәһәренең креатив индустрияләр мәктәбе укучыларының яшь составы 9 яшьтән алып 17 яшькә кадәр. Уку 6 юнәлеш буенча узачак: интерактив цифрлы технологияләр VR/AR/XR, анимация, дизайн, фото һәм видео җитештерү, заманча электрон музыка, тавыш режиссурасы һәм саунд - дизайн.
Креатив индустрияләр мәктәпләре илнең бердәм мәдәни-мәгариф киңлеген үстерүгә, шулай ук Россиянең дөнья гуманитар һәм мәдәни киңлектә ролен арттыруга ярдәм итү максатыннан төзелә.
Шулай ук «Герой Хатыннары» проекты кысаларында креатив индустрияләр мәктәбе егетләре «Герой балалары» проектын башлап җибәрделәр, аларның портретлары мәктәп диварларында урнаштырылачак