Әлмәт муниципаль районы башлыгы Тимур Нагуманов эш сәфәре вакытында Р.Фәхретдин исемендәге 1 нче гимназияне реконструкцияләү эшләренең барышын бәяләде
1991 елда нигезләнгән Гимназиядә хәзерге вакытта 1030 укучы белем ала. Федераль һәм республика бюджетларыннан бүлеп бирелгән акчалар, шулай ук «Татнефть» ААҖ ярдәме белән бинада капиталь ремонт үткәрелә, шул исәптән инженерлык челтәрләрен, канализацияне һәм җылыту системасын ремонтлау, түбә ремонтлау, тәрәзәләрне алыштыру, территорияне төзекләндерү, урамнарны яктыртуны урнаштыру. Моннан тыш, куркынычсызлыкны арттыру максатыннан, контроль-үтү пункты (КҮП) урнаштырылачак, ул учреждение территориясенә керүнең катгый контролен һәм куркынычсызлыгын тәэмин итәчәк.
Тимур Нагуманов хезмәттәшләре белән бергә эшләрнең прогрессын бәяләде. Хәзерге вакытта фасад эшләре алып барыла. Әлбәттә, төп максат – яңа уку елы башланган көнгә-1 сентябрьгә яңартылган гимназия ачу. Бу максатка ирешү өчен барлык кирәкле тырышлыклар куелачак.