Эшлекле дүшәмбе
Бүген, 11 июльдә, Әлмәт муниципаль районының атналык планеркасы район Советы Аппараты җитәкчесе вазифаларын башкаручы Айнур Исхаковның Әлмәт муниципаль районының атналык гомумшәһәр планеркасы протоколларын үтәү турындагы чыгышы белән башланды.
Район башлыгы Тимур Нагуманов планеркада булачак масштаблы чараларны искә төшерде: нефть саммиты, «Каракуз» фестивале.
Планеркада төп доклад белән мәгариф идарәсе начальнигы урынбасары Ландыш Нәҗипова чыгыш ясады.
Аның докладында районны тәмамлаучыларның саны, укудагы казанышлар, БДИ нәтиҗәләре һәм башка мөһим күрсәткечләр турында җентекле мәгълүмат бирелде. Ландыш Нәҗипова имтихан тапшырганда популяр фәннәрне, югары баллар процентын, шулай ук әлеге нәтиҗәләрне узган ел һәм Татарстан Республикасы буенча нәтиҗәләр белән чагыштыруны билгеләде.
Тәкъдим ителгән мәгълүматларга караганда, БДИны быел 787 чыгарылыш укучысы тапшырган, шуларның 85е укытуда зур уңышлары өчен РФ медален алган. Шуларның 81е - шәһәр мәктәпләреннән, 4е - авыл мәктәпләреннән. Шәһәрнең 6 мәктәбендә медаль ияләре саны узган ел белән чагыштырганда артты. 7 кеше әдәбият һәм рус теле буенча 100 балл җыйган.
Планерка ахырында район Советы Аппараты җитәкчесе вазифаларын башкаручы Айнур Исхаков киләсе атнага план тәкъдим итте.