Әлмәт триатлонына теркәлү 8 июньдә тәмамлана
Триатлетларның һәвәскәрләр стартына Мәскәү вакыты белән 8 июньгә 23:59 сәгатькә кадәр теркәлергә мөмкин. Старт үзе 2023 елның 10 июнендә Әлмәттә биреләчәк.
Команда ярышлары өчен Sprint һәм Sprint Relay дистанцияләре бар. Триатлонда катнашу кагыйдәләре белән танышу, расписание һәм дистанция схемасын timerman.org сайтында белергә мөмкин.
Sprint дистанциясе триатлонда популяр кыска дистанция, ул 0,75 км йөзүдән, 20 км велоузыштан һәм 5 км йөгерүдән тора.
Әлмәт триатлонында катнашу өчен Россия триатлон Федерациясеннән лицензия алырга кирәк — бу мәҗбүри шарт булып тора. Положение белән тулырак танышырга һәм лицензияне сылтама буенча алырга мөмкин.
TIMERMAN спорт чаралары сериясе ел саен Татарстанның кимендә ике шәһәрдә — Әлмәт һәм Казанда һәвәскәрләр триатлоны үткәрә. Әлмәт триатлоны-Казанда старт алдыннан ярышу мөмкинлеге. Быел республика башкаласында яңа дистанция өстәлде: һәвәскәр Olympic һәм Sprintтан тыш, Казанда 113 дип аталган IRONMAN тимер дистанциясенең яртысы узачак, ул 1.9 км йөзү, 90 км велосипед ярышы һәм 21.1 км йөгерүне үз эченә алачак.
TIMERMAN спорт чаралары сериясе белән 2023 елга 17 ярыш планлаштырылган. Слотны теләсә кайсы стартта timerman.org сайтында сатып алырга мөмкин.