Район башлыгы «Терәк ноктасы» тамашасында катнашты
20 апрельдә ТНВ телеканалының туры эфирында «Точка опоры» тамашасының яңа чыгарылышы узды. Анда Әлмәт муниципаль районы башлыгы Тимур Нагуманов катнашты.
Программа алып баручысы Светлана Кадыйрова белән берлектә чакырылган кунаклар «Җәмәгать тавыш бирү: безгә нәрсә бәйле?» актуаль тема буенча фикер алыштылар, «Кешеләрнең социаль активлыгын ничек арттырырга, быел нинди иҗтимагый киңлекләр үзгәрергә тиеш, «Безнең ишегалды» республика программасы ничек үсеш ала?» дигән сорауларга җавап эзләделәр.
Исегезгә төшерәбез, 15 мартта 2024 елда төзекләндерү өчен җәмәгать территорияләрен сайлау буенча бөтенроссия онлайн-тавыш бирү башланды. Татарстанда исемлеккә 267 җәмәгать киңлеге, шулай ук 34 районда 2000 дән артык йорт кертелгән.
Әлмәт муниципаль районында төзекләндерү өчен 5 җәмәгать киңлеге тәкъдим ителгән: Бу шәһәр сусаклагычы, шәһәр күле, Геофизика урамындагы немец паркы, Фәхретдин елгасыннан Таһировка кадәр Герцен урамы һәм Шәмсинур чишмәсе булган парк.
Кече Ватанны үстерү һәм төзекләндерү өчен тавыш бирү бик мөһим. Бу безнең барыбыз өчен дә туган җиребезне үстерүгә үз өлешебезне кертү өчен реаль мөмкинлек.
14 яшьтән өлкәнрәк россиялеләргә яшәү урыны буенча төзекләндерү өчен объектлар сайлауда катнашырга тәкъдим ителә.
Сораштыру http://gorodsreda.tatar.ru порталында уза (яки ТР Дәүләт хезмәтләрендә).