Росстандарт «Ышанычлы бул! Сәламәт бул!» Бөтенроссия акциясен үткәрә
Быел, Бөтендөнья сәламәтлек көне алдыннан, 5 апрельдән 7 апрельгә кадәр, Техник көйләү һәм метрология буенча федераль агентлык (Росстандарт) һәм аңа буйсынган оешмалар бөтен ил буенча чираттагы тапкыр «Ышанычлы бул! Сәламәт бул!» Бөтенроссия акциясен уздыралар.
Акциянең үзгәрешсез максаты-илебез халкының игътибарын һәрберебезнең тормышында үлчәүләрнең бердәмлеген тәэмин итүнең әһәмиятенә юнәлтү. Хәзерге вакытта һәр гаиләдә булган тонометр моның өчен иң яхшы үрнәк, чөнки аның ярдәмендә без үзебезнең сәламәтлек торышын күзәтәбез.
Акция көннәрендә «ЦСМ Татарстан» ФБУ белгечләре халык кулланган көнкүреш кан басымы тонометрларының чыгарылыш параметрларын контрольдә тоту өчен гражданнарны түләүсез кабул итәчәк. Җиһазларны тикшерү нәтиҗәләре буенча, метрологлар тонометр күрсәткечләре турында нәтиҗә генә түгел, ә төзексезлекне бетерү буенча киңәшләр дә бирәчәк.
Акция 6 апрельдә 9.00 сәгатьтән 17.00 сәгатькә кадәр Герцен урамы, 86 адресы буенча урнашкан «ЦСМ Татарстан» ФБУның Әлмәт филиалында узачак. Белешмәләр өчен телефон: 8 (8553) 30-38-93.