Әлмәт укучылары Әлмәт татар дәүләт драма театрының сәхнә артына эләгә алачак
26 мартта «Беренчеләр хәрәкәте» республика театрлары буенча «Закулисье» тематик экскурсияләрен башлый. Акция Бөтендөнья Театр көненә багышлана, ул 27 мартта билгеләп үтелә.
Мәктәп укучылары республиканың өч шәһәрендәге театрларга бара алачак:
- 26 март, 14:00, В. Качалов исемендәге Казан дәүләт академия рус Зур драма театры;
- 28 март, 15: 00, Казан, Муса Җәлил исемендәге Татар дәүләт академия опера һәм балет театры;
- 28 март, 15: 00, Яр Чаллы, Аяз Гыйләҗев исемендәге Татар драма театры;
- 28 март, 15:00, Әлмәт татар дәүләт драма театры.
Катнашучылар театр сәхнәләре артында була, актерлар һәм режиссерлар белән таныша һәм театр сәнгатенең барлык нечкәлекләрен белә алачак.
Һәр экскурсиягә урыннар саны чикләнгән. Теркәлү https://forms.yandex.ru/u/641d6dcac769f100b912d4fd/ сылтамасы буенча.
«Беренчеләр хәрәкәте» - Россия балалар һәм яшьләр хәрәкәте, ул зур үзгәрешләр конкурсында катнашучы Диана Красовская инициативасы белән төзелгән һәм РФ Президенты Владимир Путин тарафыннан хупланган. Аның бурычы - балаларны, яшьләрне, аларның әти-әниләрен, әби-бабаларны, педагогларны берләштерү. Хәрәкәт кызыксыну буенча дуслар табарга, чараларда катнашырга һәм үз проектларын оештырырга, 12 юнәлеш буенча проектлар башларга мөмкинлек бирә. Бу - мәгариф, фән, хезмәт һәм һөнәр, мәдәният, иреклелек, патриотизм, спорт, сәламәт яшәү рәвеше, медиа һәм коммуникацияләр, дипломатия, экология, туризм. Шулай ук нәкъ менә Татарстанда эшли башлаучы 13нчесе буенча - «Туган тел, милли мәдәният, традицияләр».