Тимур Нагуманов бокс буенча Татарстан Беренчелеге җиңүчеләрен бүләкләү тантанасында катнашты

2023 елның 12 марты, якшәмбе

Җиде еллык тәнәфестән соң нефтеград яңадан бокс буенча Татарстан беренчелеген кабул итә. 8-11 март көннәрендә Әлмәт физик культура колледжы базасында 2007-2008 елларда туган егетләр ундүрт авырлык категориясендә җиңү өчен көрәштеләр.

Татарстан беренчелегендә республиканың 19 районыннан 136 спортчы катнашты. Очрашу аларның һәрберсенә үзенең җиңүләре һәм җиңелүләре белән истә калды.

Татарстанның иң яхшы боксерларын бүләкләү тантанасында Әлмәт районы башлыгы Тимур Нагуманов һәм ТР бокс федерациясе президенты Сергей Игнатьев катнашты.

Әлмәтнең яшь спортчылары тупланмасында өч алтын, бер көмеш һәм дүрт бронза медаль бар.