Узып баручы ел ахырында Әлмәт муниципаль районы Молодежный поселогы тормышында истәлекле вакыйга булып узды
2022 елның 29 декабрендә Әлмәттә блок-модульле типтагы бинада тантаналы рәвештә яңа ФАП ачылды. ФАПның заманча бинасы «Сәламәтлек саклау» милли проектының Татарстан Республикасы сәламәтлек саклауның беренчел звеносын модернизацияләү программасы кысаларында төзелде һәм файдалануга тапшырылды.
Чара Әлмәт РҮХнең баш табибы Вера Головина, «ТР Төп инвестицион-төзелеш идарәсе» ДКУ Көнчыгыш-Кама буе идарәсе башлыгы Илшат Хөсәенов һәм Молодежный поселогы халкы катнашында узды.
Татарстан Республикасы Сәламәтлек саклау министрлыгы ярдәме белән Әлмәт муниципаль районында яшәүчеләргә беренчел медик-санитар ярдәм күрсәтүне камилләштерү буенча зур эш алып барыла. ФАП заманча медицина җиһазлары белән җиһазландырылган һәм медицина ярдәмен күрсәтүнең барлык стандартларына туры килә. Әлеге проектны гамәлгә ашыру авыл халкына күрсәтелә торган медицина ярдәмен күрсәтүне яхшыртырга һәм якынайтырга мөмкинлек бирде, шул исәптән диспансеризация, вакцинация, ЭКГ-тикшеренүләр узу.