Эшлекле дүшәмбе
Бүген традицион форматта Әлмәт муниципаль районының барлык җитәкчеләре һәм оешма, предприятие, хезмәт вәкилләре катнашында атна саен үткәрелә торган планерка булды.
Район башлыгы Тимур Нагуманов планерканы туган көннәрен билгеләп үтүчеләрне котлаудан башлады. «Ресурслар белән идарә итү» МУП директоры Марат Юлдашев һәм Иске Суркино авыл җирлеге башлыгы Николай Леонтьев туган көннәрен бәйрәм итәләр.
Тантанадан соң Тимур Нагуманов узган атнаның уңышлы төгәлләнүен билгеләп үтте һәм аларның нәтиҗәләре турында сөйләде.
Узган шимбәдә 24 декабрьдә Әлмәткә эш визиты белән Татарстан Республикасы Президенты Рөстәм Миңнеханов килде. «Кванториум» балалар технопаркының 2 нче чираты ачылды. Татарстан Президентына реконструкцияләнгән корпусны күрсәттеләр. Объект 6-18 яшьлек 1370 баланы кабул итәргә әзер. Дәресләр 16 юнәлештә уза.
Яңартылган блокта яңа юнәлешләр барлыкка килде. Аэроквантум-пилотсыз очкычларны җыю, коммерция куллану буенча инженерлык проблемаларын проектлау һәм чишү. Ship-квантум-корабларны һәм судноларны проектлау, төзү, спорт-техник модельләр булдыру һәм аларның прототипларының тарихын өйрәнү. Автоквантум-пилотсыз машинаның тулы прототибын проектлау, ясау һәм сынау.
Шул ук көнне ТР Президенты катнашында «Югары нефть мәктәбе» кампусы территориясендә балалар бакчасы булган торак йортны ачу тантанасы узды.
23 декабрьдә РФ төзелеш һәм ТКХ министрлыгы уңай шәһәр мохитен булдыру проектларының VI Бөтенроссия конкурсына нәтиҗәләр ясады. Безнең шәһәр беренче тапкыр 100-200 мең кеше яшәгән шәһәрләр номинациясенә заявка биргән. Әлмәт җиңүчеләр арасында 106 млн. сум грант отты! Грантның әлеге суммасы әлеге конкурс кысаларында мөмкин кадәр күләмдә. Грант акчалары сусаклагычны төзекләндерү проектын тормышка ашыра башларга мөмкинлек бирәчәк.
23 декабрьдә Казанда «Ел җитәкчесе» республика конкурсында җиңүчеләрне бүләкләү тантанасы булды. «Әлмәт-Водоканал» АҖ генераль директоры Илнар Минһаҗев 2022 ел нәтиҗәләре буенча «Предприятиенең циффрлы трансформациясе өчен» номинациясендә конкурс лауреаты дип танылды.
22 декабрьдә Казанда «Идел буе физик культура, спорт һәм туризм университеты» концертлар залында ел саен уздырыла торган «Ел спортчысы» бүләкләрен тапшыру тантанасы узды. Өченче ел рәттән Әлмәт «Массакүләм физкультура-сәламәтләндерү эше буенча Татарстан Республикасының иң яхшы шәһәре» номинациясендә бүләкләнде.
21 декабрьдә Казанда өч номинация буенча еллык һөнәри конкурска йомгак ясалды: «Иң яхшы КФҮ», «КФҮнең иң яхшы универсаль белгече» һәм «КФҮнең иң яхшы филиалы җитәкчесе». Әлмәт филиалы «Татарстанның иң яхшы КФҮ» булды.
16 декабрьдә Казанда Татарстан Республикасы ветераннары (пенсионерлары) төбәк иҗтимагый оешмасы Президиумы утырышында «1941-1945 еллардагы Бөек Ватан сугышында Җиңүнең 77 еллыгына һәм Татарстан Республикасы ветераннары (пенсионерлары) оешмасының 35 еллыгына багышланган Татарстан Республикасы ветераннар (пенсионерлар) төбәк иҗтимагый оешмасының иң яхшы беренчел ветераннар оешмасы республика конкурсына йомгак ясалды.
II урын өчен Мактау грамотасы белән ике беренчел оешма бүләкләнде: «Татнефть» ГАҖнең «Татнефтегазпереработка» идарәсе һәм Габдрахман авыл җирлегенең беренчел ветераннар оешмасы. Шулай ук актив катнашкан өчен дипломнар белән «ТМС групп» ҖЧҖ ИК һәм Сәрән авыл җирлегенең беренчел ветераннар оешмалары да билгеләп үтелде.
Район башлыгы билгеләп үткәнчә, узган атна бай эчтәлекле генә түгел, безнең район өчен дә бик уңышлы булды.
Аннары доклад белән «Луч» телекомпаниясе» ҖЧҖ директоры Вячеслав Муравцев чыгыш ясады һәм аның эшчәнлеге турында сөйләде. «Луч» телекомпаниясе - 1991 елда үз тапшыруларын башлаган беренче шәһәр телевидениесе. Тапшыруларның дәвамлылыгы-атнага 168 сәгать. Тапшырулар структурасын мәгълүмати-күңел ачу программалары, документаль фильмнар, иҗтимагый-сәяси вакыйгалар, мәдәни һәм спорт чаралары трансляциясе тәшкил итә. Төп мәгълүмати программа булып рус һәм татар телендә «Яңалыклар» тора. «Жомга», «Музыкаль сувенир», «Ислам нуры«», «Авыл тормышы», «Сезнең иң яхшы кич» - тапшыруларның кечкенә өлеше, алар телеканал аша трансляцияләнә.
Планерка ахырында район Советы Аппараты җитәкчесе Роза Әфләтунова алдагы атнага планлаштырылган чаралар белән таныштырды.