Әлмәттә эчү тыела

2022 елның 22 декабре, пәнҗешәмбе

26 декабрьдән 7 гыйнварга кадәр  Әлмәт муниципаль районында Яңа ел чаралары оештырылачак.

Шуңа бәйле рәвештә башкарма комитет карары белән сәүдә һәм җәмәгать туклануы предприятиеләре җитәкчеләренә 2022 елның 25 декабрьдән 7 гыйнварга кадәр алкогольле эчемлекләр һәм сыра сатудан тыелып торырга  киңәш итә.

Бу гамәл шәһәр һәм район халкының, оешма, мәгариф, мәдәният, сәламәтлек саклау учреждениеләре җитәкчеләре, мәктәпләрнең ата-аналар комитеты мөрәҗәгате буенча үсеп килүче буынның сәламәтлеген саклау, спиртлы эчемлекләр һәм сыра кулланудан баш тарту, шулай ук халык күпләп җыела торган урыннарда җәмәгать тәртибен саклау максатыннан чыгып тәкъдим ителә.