Китап су сыман, юлны һәркайда узып китәчәк: «Рухият» үзенең яңа китапларын тәкъдир итте
7 декабрьдә «Әлмәт» иҗтимагый үзәгендә «Татнефть» хәйрия фонды 2022 елда «Рухият» программасы кысаларында бастырылган 7 басма китаптан чираттагы сайлап алуны тәкъдим итте. Менә инде 26 ел нефтьчеләр Татарстан халыклары мәдәниятен саклауга һәм үстерүгә, аерым алганда, танылган һәм яшь авторларны бастырып, үз өлешен кертә. 1998 елдан башлап ел саен тәкъдим итү китап бәйрәме формасында басмаларның авторлары, мөхәррирләре һәм рәсмиләштерүчеләре катнашында үткәрелә һәм иҗади интеллигенция вәкилләрен чакыра. Программага традицион рәвештә автограф-сессияләр, яңа китап темаларына театральләштерелгән әдәби-музыкаль композицияләр, концерт номерлары керде.
Рәмзия Габделхакованың «Кышлар үткәч кайтырмын…», Равил Сабырның «Ак әби» һәм Нурзия Мирхазованың, «Бәхет орлыгы» балалар иллюстрацияләнгән басмалары, Фәүзия Солтанның «Нигез сагышы», Хәнифә Хәйруллинаның «Улларым, сез кайда?», шагыйрь Нур Әхмәдиевнең шигырьләр җыентыгы, шулай ук Мифтахетдин Акмулланың тормышына һәм иҗатына багышланган китап – менә презентациянең 7 яңа басмасы.
«Татнефть» ГАҖ генераль директорының социаль үсеш буенча урынбасары Рөстәм Мөхәммәдиев барлык кунакларны нефтьчеләр исеменнән сәламләде һәм «Рухият» программасында актив катнашулары өчен рәхмәт белдерде. «Күп еллар инде китаплар бастырыла. Иң мөһиме-яшь авторлар танылган язучылар, шагыйрьләр, күренекле кешеләр белән беррәттән нәшер ителә. Шуның аркасында күп кенә яшь талантлар тормышта үз үсешләрен, юлларын алды. Китапларың бастырылганчы, элек Язучылар берлегенә кабул ителмәгәннәр дип әйтелде. Китаплар бастыру авыр. Бу мәсьәлә «Татнефть» компаниясенең китаплар чыгаруга керешкән әлеге программасы ярдәмендә хәл ителде. Күпчелек яшь авторлар үз китапларын бастырдылар, һәм аларның күбесе Язучылар берлеге әгъзалары булды», - билгеләп үтте ул программаның мөһимлеген.
Китап-язучының эшчәнлегенең нәтиҗәсе. Теләсә нинди шагыйрь яки язучы үз хезмәтенең җимешләрен басма рәвешендә күрергә омтыла. Компаниягә һәм «Рухият» фондына рәхмәт сүзләре сәхнәдән күп тапкырлар яңгырады.
«Татнефть» Хәйрия фондының «Рухият» программасы игелекле эш башкара. Нибары җиде китап чыгарылуга карамастан, алар бөтен татар тарихын, мәдәниятен, әдәбиятын үз эченә ала. Монда жанрларның төрлелеге. Мифтахетдин Акмулла турындагы китап гына да телгә алсак – ул, әлбәттә, әдәбият классикасы. Әле бүген үк мин үзем өчен язучы Хәнифә Хәйруллинаны ачтым-ул масштаблы прозаик иде. Әйтик, аларны нәшер ителгән китаплар аша халыкка кире кайтару - «Рухият» программасының изге эше, - дип ассызыклады ТР Язучылар берлеге рәисе Ркаил Зәйдулла.
Презентация Әлмәт драма театры артистлары, сәләтле балалар һәм профессиональ җырчылар катнашында театральләштерелгән тамаша рәвешендә дәвам итте. Тәкъдим ителгән китаплар буенча тамашалар башкарылды, шигырьләр искиткеч актерлар тарафыннан гәүдәләндерелде. Быел алып баручылар ролен Рамазан Йосыпов һәм Илүзә Нәбиуллина башкардылар.