Эшлекле дүшәмбе
Бүген традицион көндезге форматта барлык оешма, предприятие, хезмәтләре җитәкчеләре һәм вәкилләре катнашында Әлмәт муниципаль районының атналык планеркасы булды.
Район башлыгы Тимур Нагуманов узган атнадагы иң күренекле чаралар турында сөйләде.
Шулай, узган якшәмбедә, Байлар Сабасында Татарстан Республикасы муниципаль хезмәткәрләре Спартакиадасы кысаларында бильярд буенча ярышлар узды. Нигезләмә буенча, ярышларда район һәм шәһәр җитәкчеләре, башлыклар, башкарма комитетлар җитәкчеләре һәм башлык урынбасарлары гына катнаша алды. Бу ярышта Әлмәттән ӘМР башлыгы урынбасары Марат Гыйрфанов катнашты. Ул турнирның бөтен челтәрен бер җиңелүсез узды һәм лаеклы рәвештә беренче урынны яулады.
Шулай ук, шимбә көнне 3 декабрьдә Мәскәүдә 2022 елда Россия триатлонының еллык Конференциясендә Әлмәт муниципаль районы «Балалар-яшүсмерләр триатлоны үсешенә керткән өлеше өчен» номинациясендә бүләкләнде.
Шул ук көнне Казанда Су спорт төрләре сараенда Татарстан Республикасында йөзүнең 100 еллыгы уңаеннан зур бәйрәм булды. Чара кысаларында октябрь аенда «Мирас» ССКда узган йөзүгә 100 ел тулуга багышланган йөзү буенча ярышларда Әлмәт ТРның барлык районнары арасында беренче гомумкоманда урыны өчен Кубок һәм диплом белән бүләкләнде.
1 декабрьдә «Бердәм Россия» Бөтенроссия сәяси партиясенең Татарстан төбәк бүлекчәсенең Төбәк сәяси советы Президиумы утырышында беренчел бүлекчәләрнең республика конкурсына йомгак ясалды. «2022 елның иң яхшы беренчел бүлекчәсе» номинациясендә беренче урынны Әлмәтнең «Бердәм Россия №8» Партиясенең беренчел бүлеге алды.
1 декабрьдә Татарстан Республикасы Архив эше буенча дәүләт комитеты коллегиясе утырышында «Татарстан Республикасының иң яхшы архивчысы» конкурсына йомгак ясалды. «Минем архивның күренеше» номинациясендә диплом белән ӘМР башкарма комитетының архив бүлеге начальнигы Елена Габдрәшитова бүләкләнде.
Тимур Нагуманов узган елның соңгы аенда нәтиҗәләр ясау һәм Яңа елны бәйрәм итүгә әзерлек эшләре баруын искәртте. Ул җаваплы хезмәтләргә балалар бәйрәм чараларын оештыру ягыннан да, куркынычсызлык ягыннан да югары дәрәҗәдә үткәрергә кушты. Мобилизацияләнгән һәм хәрби хезмәткәрләрнең балаларына төп басым ясарга.
Хәзер безнең шәһәр бераз үзгәрә - бәйрәм бизәкләрен кия башлады. Район башлыгы ассызыклаганча, 10 декабрьгә кадәр шәһәрнең төп урыннарын бизәү эшләре тәмамланырга һәм барысы да узган еллар дәрәҗәсендә булырга – бернинди артыклык та булмаска тиеш.
Кышкы вакытта юлларны карап тоту мәсьәләсе шәһәр планеркасының тагын бер мөһим мәсьәләсе булды. Юллар, велосипед юллары һәм тротуарлар тиешле күренешкә ия булырга - боз катламы булмаска тиеш. Мондый йөкләмә Шәһәр автомобиль юллары идарәсенә бирелде. Үз чиратында «АЮШИ» МУП җитәкчесе Илсур Сәлимгәрәев идарәнең 2022 елдагы эше турында сөйләде.
Шулай, 2022 елда Татарстан Республикасында ишегалды территорияләрен төзекләндерү буенча социаль республика программа - «Безнең ишегалды» программасы буенча эш дәвам итте, анда «АЮШИ» МУП Әлмәт районы буенча генераль подрядчы һәм проект оешмасы булды. Программа кысаларында өч ел эчендә предприятие 223 ишегалды территориясен төзекләндерде, шуларның 78е - быел. 2022 елда «Безнең ишегалды» программасы буенча ремонтланган асфальт - бетон өслекнең мәйданы 138,7 мең кв. метр тәшкил итте.
Шәһәрнең урам-юл челтәрен норматив хәлгә китерү буенча республика һәм муниципаль программаларны гамәлгә ашыру кысаларында гамәлдәге юл-урам челтәренә асфальт-бетон җәю эшләре 2022 елда 15 километрдан артык башкарылган. Шәхси сектордагы һәм шәһәрнең үзәк урамнарындагы юллар ремонтлана.
Рәттән алтынчы ел предприятие велосипед юллары һәм тротуарлар төзүне башкара, аларны төзүнең инвесторы - «Татнефть» ГАҖ. Шулай, 2022 елда 1,3 км велоюллар төзелгән һәм 14,9 км тротуарлар ремонтланган. 2016 елдан бирле төзелгән велоюлларның гомуми озынлыгы 117 км дан артык тәшкил итә.
Шәһәрне карап тоту өлешендә предприятие «Үсеш департаменты» МАУ белән берничә муниципаль контракт нигезендә эш алып бара. Болар - шәһәрнең урам-юл челтәрен карап тоту, светофор объектларына хезмәт күрсәтү, тамгалар кую, ясалма корылмалар, яшел үсентеләр урнаштыру, чокырларны ремонтлау, төзекләндерү объектларына хезмәт күрсәтү, парклар, скверлар һәм зиратларны тиешле рәвештә тоту, җәйге чорда пляжларны тиешле рәвештә тоту һәм аларга хезмәт күрсәтү.
«АЮШИ» МУП читтә калмый һәм мобилизацияләнгәннәрнең гаиләләренә ярдәм күрсәтә. 30 мең сум күләмендә мобилизацияләнгәннәрнең гаиләләренә бер тапкыр бирелә торган матди ярдәм түләнде, барлык мобилизацияләнгән кешеләргә эш урыннары сакланып калды, алар өчен еллык премияне түләү дә планлаштырыла. Моннан тыш, предприятие социаль-көнкүреш проблемаларын хәл итүдә мобилизацияләнгәннәрнең гаиләләренә ярдәм күрсәтә.
«Шунысын да билгеләп үтәсем килә, 2022 елгы катлаулы шартларда предприятие элеккечә базарда иң конкурентлыкка сәләтле булып кала бирә һәм 2022 елның 9 ае нәтиҗәләре буенча АЮШИ эшчәнлеге кысаларында планлаштырылган барлык бурычлар да тулысынча үтәлгән»,- дип йомгаклады үз чыгышын Илсур Сәлимгәрәев.
Планерка ахырында ӘМР Советы Аппараты җитәкчесе Роза Әфләтунова катнашучыларны киләсе атнага планлаштырылган чаралар белән таныштырды.