Эшлекле дүшәмбе
21 ноябрьдә шәһәр һәм район хакимияте, оешмалары, предприятиеләре, хезмәтләре, авыл җирлекләре һәм авыл хуҗалыгы оешмалары җитәкчеләре һәм вәкилләре катнашында атналык гомумшәһәр планеркасы булды.
Ул күңелле хәлдән башланды - Әлмәт муниципаль районы башкарма комитеты җитәкчесе Айдар Каюмов Әлмәт муниципаль районы башкарма комитетының гомуми бүлек җитәкчесе Алексей Егоровны котлады.
Айдар Каюмов узган атнаның моңсу вакыйгаларга тулы булуын билгеләп үтте. 99нчы яшендә Бөек Ватан сугышы ветераны Фатыйма Яхинаның йөрәге тибүдән туктады. Ул шәһәр һәм районның Мактаулы ветераны иде. 2010 елда «Сугышның хатын – кыз йөзе түгел» номинациясендә «Ел хатын-кызы» исемен ала. Батырлыгы һәм фидакарь хезмәте өчен 2 дәрәҗә «Ватан сугышы» орденына (1985), Советлар Союзы маршалы Рокоссовский рәхмәтенә, Жуков медаленә, «1941-1945 еллардагы Бөек Ватан сугышында Германияне җиңгән өчен» (1946); «Хезмәт ветераны» (1979), «Россия патриоты», «Татарстан Республикасы алдындагы казанышлары өчен» медальләренә һәм республика һәм муниципаль дәрәҗәдәге күпсанлы башка бүләкләргә лаек була.
Аннан соң Әлмәт муниципаль районының Мактаулы гражданины, хезмәт ветераны, ике тапкыр атказанган төзүче Камил Нигъмәтуллин дөньядан китте. Исеме илебезнең төзелеш тармагы тарихына алтын хәрефләр белән язылган", - дип билгеләп үтте Айдар Каюмов.
Тагын бер зур югалту - хәрби хезмәткәр Алексей Комбаровның вафат булуы. Батырлык һәм кыюлык күрсәтеп, солдатыбыз хәрби хезмәт вазыйфаларын башкарганда һәлак була.
Кызганыч вакыйгаларга карамастан, уңай көн тәртибе дә бар иде. Узган атнада Әлмәт Татарстан Республикасы муниципаль хезмәткәрләре Спартакиадасы кысаларында мини-футбол ярышларын кабул итте. Ярышлар ахырында иң көчле өч муниципалитет билгеләнде. Казан һәм Азнакай муниципаль районы командаларыннан калышып, Әлмәт районы командасы өченче урында булды.
Шулай ук шимбә көнне Әлмәттә Татарстан Республикасы судлары һәм судьялар җәмгыяте командалары арасында волейбол буенча Чемпионат узды. Бу көнне бөтен республика судьялары, спорт формасын киеп, кулларына туплар алып, иң яхшыларны ачыкладылар. Мактаулы 2 урынны Әлмәт шәһәр суды алды.
Башкарма комитет җитәкчесе 1 декабрьгә кадәр түләргә кирәк булган мөлкәти салымнар буенча бурычларны түләү турында искәртте.
Аннары Росреестрның Татарстан Республикасы буенча идарәсенең Әлмәт бүлеге башлыгы Эльвира Аблеева доклад белән чыгыш ясады. Ул 2022 елның 10 ае дәвамында ТР Росреестр идарәсенең Әлмәт бүлеге эшчәнлегенең төп күрсәткечләре турында сөйләде».
Планерка ахырында киләсе атнага чаралар әйтелде.