Мобилизацияләнгән кешеләрнең керемнәре социаль ярдәм чараларына хокукны билгеләгәндә исәпкә алынмый
Татарстан Пенсия фонды бүлегенең Әлмәт районында клиентлар хезмәте (бүлек хокукларында) мобилизацияләнгән гражданнарның керемнәре 1 ноябрьдән балалар пособиеләрен билгеләгәндә мохтаҗлыкны бәяләү өчен исәпкә алынмый дип хәбәр итә. Тиешле кагыйдәләр Хөкүмәт карары белән расланган. Алар шулай ук мохтаҗлыкны бәяләү бара торган вакыт эчендә мобилизацияләнгән гражданинның кереме булмавы хәрби хезмәткәрнең гаиләсенә түләүләрне билгеләүдән баш тарту өчен нигез булып тора алмый дип саныйлар.
Исегезгә төшерәбез, мохтаҗлык критерийлары 8 яшьтән алып 17 яшькә кадәрге балаларның ата-аналарына һәм йөкле хатын-кызларга айлык пособиеләр билгеләгәндә кулланыла. Мондый түләүләргә яшәү минимумыннан түбәнрәк керемле гаиләләрнең хокукы бар. Пособие алу өчен ата-аналарда расланган табыш яки булмауның объектив сәбәпләре булырга тиеш, һәм гаилә милке билгеләнгән таләпләргә туры килергә тиеш.
Әгәр баланың әтисен мобилизация буенча хәрби хезмәткә чакырсалар, аның үткән хезмәт хакы, премияләр, эшмәкәрлек кереме һәм башкаларны кертеп, хәзер мохтаҗлыкны исәпләгәндә исәпкә алынмый. Моннан тыш, элек гаиләгә мобилизацияләнгән кешенең хезмәт хакы булмау сәбәпле пособие бирүдән баш тартканнар икән, хәзер аның хатыны кабат Пенсия фондына пособие сорап мөрәҗәгать итә ала. Хисап чорында керемнәре булмау сәбәпле түләүдән баш тарту турында карар чыгарылмаячак.
Мобилизация буенча хәрби хезмәткә чакырылуны раслаучы документлар гариза бирүче тарафыннан мөстәкыйль тапшырыла. Пособие 6 айга билгеләнә, алар үткәннән соң, Пенсия фондына яңа гариза бирергә кирәк.
Дәүләт хезмәтләреннән һәм Россия Пенсия фонды сервисларыннан www.pfr.gov.ru сайтында гражданинның шәхси кабинетында файдаланыгыз.
ТР буенча РПФның бүлегенең контакт-үзәге 8 800 6-000-000
Кайнар линия телефоны КС 074
Белешмәләр өчен телефон 32-18-12, 32-18-29
ТР буенча РПФ Әлмәт районында клиентлар хезмәте (бүлек хокукларында)