Татарстан Республикасында яшәүчеләр 2023 елга министрлыкларның өстенлекле эш юнәлешләрен билгеләячәкләр
Татарстанда алты республика министрлыгының өстенлекле эш юнәлешләрен билгеләү буенча тавыш бирү башланды:
- сәламәтлек саклау;
- мәдәният;
- мәгариф һәм фән;
- хезмәт, мәшгульлек һәм социаль яклау;
- спорт;
- яшьләр эшләре буенча.
Тавыш бирү барышында экспертлар формалаштырган максатларны һәм бурычларны сайлап алырга, шулай ук үз вариантларны тәкъдим итәргә мөмкин.
Тавыш бирү дәүләт хакимияте органнарына гражданнар позициясе нигезендә эшләүдә акцентлар формалаштырырга, ә халыкка актуаль мәсьәләләрне хәл итүне тәкъдим итәргә мөмкинлек бирәчәк.
2023 елга министрлыклар эшенең 5-7 өстенлеген билгеләү максатларны һәм бурычларны иҗтимагый формалаштыруның нәтиҗәләсе булып торачак.
Сораштыру 6 декабрьгә кадәр «ТР Хезмәтләре» мобиль кушымтасында һәм республика Дәүләт хезмәтләре порталында «Халыкны сораштыру» бүлегендә дәвам итәчәк (https://open.tatarstan.ru/polls).
Нәтиҗәләр проектның сайтында бастырылачак (https://publictasks.tatarstan.ru).
Тавыш бирү дәүләт хакимияте башкарма органнарының максатларын һәм бурычларын иҗтимагый формалаштыру проектын гамәлгә ашыру кысаларында уза.
Проектның беренче этабында Татарстан Иҗтимагый палатасы тарафыннан билгеләнгән министрлыклар экспертлары ведомстволарның 2023 елга максатлары һәм бурычлары буенча тәкъдимнәр бирә башлады. Алга таба алар махсус эксперт сессияләрендә һәм иҗтимагый советлар утырышларында тикшерелделәр, шуннан соң онлайн тавыш бирүгә 90 тан артык тәкъдим кертелде.
Иң күп тавыш җыйган өстенлекләр буенча тәкъдимнәр декабрьдә ведомстволарның иҗтимагый советларының киңәйтелгән утырышларында каралачак.
Нәтиҗәдә, һәр министрлык өчен 2023 елга 5-7 өстенлекле максат билгеләнәчәк.
Хакимият органнарының халык белән берлектә формалаштырылган максатларны һәм бурычларны тормышка ашыру һәм расланган индикаторларның йомгаклау үтәлеше буенча мәҗбүри ачык хисап тотуы каралган.
Проект турында тулырак мәгълүмат махсус порталда бар (https://publictasks.tatarstan.ru), шулай ук ведомстволарның сайтларының «Максатларны һәм бурычларны иҗтимагый формалаштыру» бүлегендә. Шунда ук 2022 елга министрлык өстенлекләренең үтәлеше нәтиҗәләре белән танышырга мөмкин.