Әлмәттә яңа компьютер томографы урнаштырылды

2022 елның 7 ноябре, дүшәмбе

Федераль программа буенча Әлмәт РҮХгә "Сәламәтлек саклау" илкүләм проектын гамәлгә ашыру кысаларында компьютер томографиясе үткәрү өчен яңа аппарат куелды һәм урнаштырылды.

Aquilion Lightning - 16/32- түбән нур йөге һәм инновацион клиник кушымталар белән башлангыч дәрәҗәдәге спираль компьютер томографы. Aquilion Lightning системасында Canon Medical Systems компаниясенең пациентка ярдәм күрсәтүне оптимальләштерү һәм клиник карарлар кабул итүне тизләтү өчен иң яңа технологияләр кулланыла. Диаметры 78 см. һәм кушеткасы 47 см. булган томограф төрле тән төзелешендәге пациентларны тикшерүне уңайлы итә, шулай ук ябык урыннардан курыккан пациентларда киңлек һәм ирек хисе уята.

"Сәламәтлек саклау" илкүләм проектын гамәлгә ашыру кысаларында медицина җиһазларын яңарту барлык төр тикшеренүләрне көтү вакытын киметергә һәм шәһәр һәм район халкына медицина ярдәме күрсәтүнең сыйфатын яхшыртырга мөмкинлек бирәчәк.

Исән-сау булыгыз!