ТР Хөкүмәт Йортында су объектларында куркынычсызлыкны тәэмин итү мәсьәләләре буенча брифинг узды

2022 елның 27 июле, чәршәмбе

Су коену сезоны чорында су объектларында куркынычсызлыкны тәэмин итү һәм республикада кече үлчәмле судноларга навигация чаралары турында ТР Хөкүмәте Йортында узган брифингта ТР кече үлчәмле суднолар буенча баш дәүләт инспекторы-су объектларында кешеләр куркынычсызлыгы бүлеге башлыгы Юрий Венедиктов сөйләде.

Ел башыннан республика сулыкларында 47 кеше үлгән, шул исәптән су коену сезоны башланганнан бирле - 39 кеше. 41 кешене коткарып кала алдык, алар арасында 2 бала. Суда кешеләр үлеменең төп сәбәпләре -суга сәламәтлек начараю сәбәпле төшү, шулай ук җиһазландырылмаган урыннарда коену.