Әлмәт районында Татарстан Республикасының Нефть саммиты узды

2022 елның 12 июле, сишәмбе

Бүген Әлмәт районында Татарстан Республикасы Президенты Рөстәм Миңнеханов катнашында ТР нефть компанияләре җитәкчеләренең еллык традицион саммиты узды.

Чара башланыр алдыннан катнашучылар нефть-газ чыгару, эшкәртү һәм ягулык-энергетика компанияләре тарафыннан тәкъдим ителгән алдынгы технологияләр күргәзмәсен карадылар.

Шулай итеп, «Татнефть» үзенең күргәзмә экспозициясендә стенд докладларын тәкъдим итте. Хәзерге вакытта компания тарафыннан катлам басымын саклау системасын модернизацияләү актив алып барыла. Күләмле энергия нәтиҗәлелеге насослары, композит материаллардан труба үткәргечләр һәм суны исәпкә алуның заманча системалары кертелә.