ЯҢАЛЫКЛАР

Торак төзелеше, социаль билгеләнештәге объектлары республика программалары тормышка ашыру, шулай ук республиканың агросәнәгать комплексы мәсьәләләре буенча киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министры  Алексей Песошин да катнашты.

11 апрель Халыкара концентрацион лагерьләре тоткыннарын азат итү көне итеп игълан ителгән. Шушы истәлекле көннән бирле 73 ел узды. Әлмәт муниципаль районында хәзерге көндә дүрт балигъ булмаган фашист концлагерьларе тоткыны: Маргарита  Апраксина,  Ольга Макарова,  Василий Литвинов һәм Анатолий Маруха яши. Маргарита  Апраксинага «Опека» Социаль хезмәт күрсәтү үзәге хезмәткәрләре тарафыннан өендә социаль хезмәт күрсәтелә.