«Оазис» кабат ишекләрен ачты

Әлмәт шәһәре оешуга – 60, Татарстан нефте табылуга – 70 ел тулган юбилейлар елында, иң олы бәйрәмнәребезнең берсе 9 май – Җиңү көнен әлмәтлеләр тагы бер шатлыклы вакыйга бе–лән каршылый. 7 май көнне “Көнбатыш капка” микрорайонында кабаттан “Оазис” сәламәтлек комбинаты ачылды.

Тантанада Әлмәт муниципаль районы башлыгы Мәҗит Салихов, башкарма комитет җитәкчесе Марат Гирфанов, оешма һәм предприятие җитәкчеләре, ветераннар катнашты. 2005 елда төзелеп куллануга тапшырылса да, әлеге учреждение ике елга якын гына эшләп калды. Соңгы 5 елда сәламәтләндерү комплексы үзенең эшчәнлеген тиешле дәрәҗәдә оештыра алмады. 150 меңнән артык халкы булган шәһәр өчен бер генә мунча булуы бик аз, билгеле. Әлеге проблема да шәһәр җитәкчелеге игътибарыннан читтә калмый. Мәсьәләнең халык өчен никадәрле мөһим булуын ачык аңлап, район җитәкчелеге нефтьчеләребез белән берлектә чишелеш юллары эзли. Нәти-җәдә, комплексны сатып алу өчен “Татнефть” ААҖ 41 млн сум акча бүлеп бирә. Яңадан муниципалитетка 40 млн сумлык кредит алырга туры килә. Уртак тырышлык белән кыска гына вакыт эчендә “Оазис” сәламәтлек комбинаты ачыла.

Үзенең тәбрикләү сүзендә Мәҗит Хаҗипович һәр–төрле ярдәм күрсәткәннәре өчен нефтьчеләребезгә, шәхсән, Тәхаветдинов Шә-фәгать Фахразовичка, төзү-челәргә барлык әлмәт–леләр исеменнән олы рәхмәтенбелдерде.

Район башлыгы май ае дәвамында барлык Бөек Ватан сугышы ветераннары өчен мунчага йөрү бушлай оештырылачагын да әйтте.

“Оазис” сәламәтлек комбинатында бүгенге көндә 25 урынлык хатын-кызлар, 25 урынлык ир-атлар мунчасы, фитнес, массаж бүлмәләре эшли. Шәһәр мунчасы дүшәмбедән кала һәр көнне, бәйрәмнәрдә дә эшләячәк. Бәяләр дә чагыштырмача кыйммәт түгел, мунча һәм бассейн белән бергә 180 сумнан 120 сумга кадәр. Кыскасы, “Оазис” сәламәтлек комбинатына рәхим итегез!

Фәрдия ХӘСӘНОВА