Әлмәттә күзәтүчесез хайваннарны тоту мәсьәләләре турында фикер алыштылар

2021 елның 20 марты, шимбә

Бүген җирле үзидарә органнары эшчәнлегенең актуаль мәсьәләләре буенча «түгәрәк өстәл» утырышында күзәтүчесез хайваннар белән эш итү өлешендә законнарны гамәлгә ашыру мәсьәләләре буенча фикер алыштылар.

Видеоэлемтә буенча утырышны Татарстан Республикасы Премьер-министрының беренче урынбасары Рөстәм Нигъмәтуллин үткәрде. Аның эшендә Татарстан Республикасы Президенты Аппараты җитәкчесе урынбасары - Татарстан Республикасы Президентының Территорияләр белән эшләү идарәсе башлыгы Илнур Гарипов, «Татарстан Республикасы Муниципаль берәмлекләре Советы» Ассоциациясе рәисе Әгъзам Гобәйдуллин, районнар һәм шәһәр округлары җитәкчеләре, Татарстан министрлыклары һәм ведомстволары вәкилләре катнашты.