Район башлыгы Тимур Нагуманов дәүләт программаларын гамәлгә ашыру мәсьәләләре буенча киңәшмәдә катнашты

2020 елның 26 декабре, шимбә

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин катнашты.

Узып баручы елда республикада 9 тармакта 50 дәүләт программасы гамәлгә ашырылган. Аларның гомуми күләме 54 млрд сумнан артык тәшкил итте. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министрының беренче урынбасары Алексей Фролов хәбәр итте.