"Татарстанда кыр көне – 2020" кыр форматындагы иң зур күргәзмә ачылды

Бүген Татарстан Республикасы Премьер-министры урынбасары – Татарстан Республикасы Авыл хуҗалыгы һәм азык-төлек министры Марат Җәббаров «Татарстанда кыр көне-2020» кыр форматындагы иң зур күргәзмәне ачты. 

Күргәзмә Лаеш районында уза һәм 4 июльгә кадәр дәвам итәчәк.

«Бу чарага без узган елның көзеннән үк әзерләнә башладык, уҗымнарны чәчүдән башладык. Бүген сез бу эшнең нәтиҗәсен күрәсез. Делянкаларда 100гә якын төрле сорт һәм яңа перспективалы культураларның гибридлары тәкъдим ителгән. Алар арасында, мәсәлән, ТАССРның 100 еллыгы бодае да бар, ул 10 ел дәвамында шушы чарага чыгарылган һәм хәзер дәүләт сынавы уза, Фиолет ашлыгы булган бодай сорты һәм башка культураларның күп төрлелеге бар: кукуруз, көнбагыш, борчак, бәрәңге, киндер, нут, сидератлар һ.б.», - дип сөйләде Марат Җәббаров.