Инфоматлар аша 37 миллион

Торак-коммуналь хезмәт һәм аның өчен түләүләр бүгенге тормышның иң авырткан ноктасы дисәк тә ялгышмабыз. Бөтенроссия җәмәгатьчелек фикерен өйрәнү үзәге үткәргән сораштыру нәтиҗәләренә ышанганда, халыкның 72 проценты әнә шулай дип фикердә. Аеруча кышкы айларда квартплатаның 3-4, хәтта 6-7 мең сум килүен исәпләсәк, гаиләдәге ике эшләүченең берсе шуның өчен генә хезмәт итәргә тиеш. Халыкның 8 процентын инде иртәгә үк урамга куып чыгарырга мөмкиннәр – алар торак өчен түли алмый. Вәзгыятьне аз гына булса да яхшыртыр өчен, халыкның 85 проценты акчасын кысыбрак тотарга тырыша икән: энергияне азрак “ашый” торган лампалар куллана, санагычлар урнаштыра, торакларын җылыта. Акчаны янга калдырыр өчен халыкның 14 проценты антенна, радио, лифттан баш тарткан. Бурычлалар белән “көрәшүдә” Әлмәт шәһәрендә дә төрле чаралар га мөрәҗәгать итәләр. Атна саен идарә итүче компания, иптәшлек ширкате җитәкчеләре катнашында киңәшмәләр уздырыла, яңа технологияләрне гамәлгә кертүгә игътибар бирелә.

Татарстан халкы сентябрь аенда uslugi.tatarstan.ru ТР Дәүләт хезмәтләре порталы һәм инфоматлар аша фатир өчен 13 миллион сум акча түләгән булган. Әлмәт райоында исә 1 декабрьдән 31 енэ кадәрге вакыт аралыгында төрле нокталарга урнаштырылган инфоматлар аша 37 мил. 334 мең сум күчкән, бу 13 мең фатир өчен инфаматлар аша түләнгән дигәнсүз. Бердәм исәп – хисап үзәге белгечләре әйтүенчә, бу төр техологияләргә мөрәҗәгать итүчеләр ай саен арта бара, әлеге саннар арасында интернет аша түләүчеләр кертелмәгән әле, чөнки исәп – хисап системасы әлегә андый операцияләрне билгели алмый.

Бу хезмәтләрдән кулланучыларның күпчелеген яшьләр тәшкил итә. Өлкән яшьтәгеләр банк хезмәткрләре ярдәм итәбез дип торсалар да, элекеге ысулларны кулаерак күрәләр. Алар белән бу хакта сөйләшкәндә төрле фикерләр ишетергә туры килде.

Ольга АФАНАСЬЕВА: – Замана техникасында түгел, элекечә түләп бара аласак та рәхмәт инде. Бер саннын ялгыш басарсың да, югалган акчаңны кемнән сорарга белмичә аптырарсың.

Зифа БАҺМАНОВА: – Инфомат аша түгел,үз кулың белән касса аша түләгән акчаларыбызда вакытында барып җитә алмый. Андый техникалар куйганчы торак – коммуналь тармагында тәртип урнаштырсыннар иде.

Ирек ЗАКИРОВ: – Инфоматның мөмкинлекләре көннән-көн арта бара, хәзер квартплатаны да, балалар бакчасы, интернет өчен, салымнарны да бер очтан түләргә мөмкин. Югары тизлекле интернет керткәч, онлайн түлүәне үзләштерергә исәп.

Соңгы әңгәмәдәшебез билгеләп узганча, мөмкинлекләр бар, алардан файдалана белергә генә кирәк.

Хәзер өйдән чыкмыйча гына online режимда торак-коммуналь хезмәтләр өчен исәпләүләр турындагы мәгълүматны тикшерергә, лицевой счет белнә идарә итрәгә, счте-фактурага үзгәрешләр кертергә, һәм, мәсәлән, фатирда берничә көн кайнар су булмаган очракта исәпләүләре яңадан башкарырга, түләүләр тарихын электрон рәвештә сакларга була. Моның өчен Порталда Шәхси кабинет булдырырга кирәк. Теркәлү бик җиңел – моның өчен мобиль телефон номерын күрсәтергә кирәк, аңа соңрак пароль җибәреләчәк.

ТКХ өчен Шәхси кабинет булдырмыйча да түләргә мөмкин. Моның өчен түләү квитанциясендә күрсәтелгән шәхси исәп номерын һәм түләү суммасын кертергә кирәк. ТКХ өчен инфомат аша түләгәндә комиссия 20 процент, ә uslugi.tatarstan.ru порталы аша түләгәндә 1 процент тәшкил итә.

Сезнең идарәче компаниягезнең әлеге сервиска кушылганлыгын белү өчен https://uslugi.tatar.ru/personal-account сылтамасы буенча карарга мөмкин. Якын араларда торак-коммуналь хезмәтләр өчен түләү язылган квитанцияләрне гадиләштереп, аңлаешлырак итү турында сүз бара. Бәлки алары электорн түләүләр өчен дә кулаерак булыр дигән ышанч бар.

Фәрдия Хәсәнова” “Әлмәт хәбәрләре” газетасы