Әлмәт мәктәпләрендә Соңгы кыңгырау бүген онлайн-режимда уза

2020 елның 29 мае, җомга

Бүген Әлмәттә 11 нче сыйныфны тәмамлаучы 1022 укучы өчен соңгы кыңгырау яңгырады.

Бу укучылар өчен дә, укытучылар, шулай ук чыгарылыш сыйныф укучыларының әти-әниләре өчен дә иң бәхетле һәм моңсу вакыйга. Коронавирус пандемиясе аркасында, бәйрәм шәһәр һәм районның барлык мәктәпләрендә онлайн-режимда узды.

Укытучылар һәм аларның укучылары бер-берсен дистанцион рәвештә котлыйлар, шигырьләр укыйлар, җырлар җырлыйлар. Мәктәп директорлары, сыйныф җитәкчеләре, укытучылар үз укучыларына онлайн-киңәшләр бирәләр һәм ихлас теләкләр юллыйлар.