ТР авыл хуҗалыгы һәм азык-төлек министрлыгы Бөтендөнья бал кортлары көне уңаеннан Татарстанда аларның һәлак булуын булдырмау буенча нинди чаралар күрелүе турында сөйләде

2020 елның 21 мае, пәнҗешәмбе

20 май - 2017 елда БМО Генераль Ассамблеясы резолюциясе белән гамәлгә куелган Бөтендөнья бал кортлары көне.

Эш киңәшмәсе барышында Россия авыл хуҗалыгы министрының беренче урынбасары Джамбулат Хатуов умартачыларны бәйрәм белән котлады.

Киңәшмә Россиянең барлык төбәкләре белән видеоконференцэлемтә режимында узды һәм 2020 елда умарталарның һәлак булуына юл куймауга багышланган иде. Чарада Татарстан Республикасы Авыл хуҗалыгы һәм азык-төлек министры урынбасары Ленар Гарипов, «Татарстан Республикасы Аквакультура һәм Умартачылык идарәсе» ДБУ директоры Марат Миңнебаев һәм Татарстан умартачылары катнашты.