Район башлыгы туры эфирда май бәйрәмнәренең ничек узачагы турында сөйләде

2020 елның 29 апреле, чәршәмбе

Туры эфир башында район башлыгы Тимур Нагуманов әлмәтлеләргә Россия Президенты Владимир Путинның рәсми Указы нигезендә 11 майга кадәр чор ял көне дип игълан ителүен һәм хәзерге вакытта үз-үзеңне изоляцияләү режимы сакланачагын искәртте.

Әлмәттә барлыгы 18 кеше расланган диагноз белән исәпләнә , шуларның 10сы – йортта амбулаториядә дәвалана, 1се терелде, нормаль тормыш ягына әйләнеп кайтты, бер өлеше дәвалау учреждениеләрендә, икесе-госпитальдә, 5се-республиканың башка шәһәрләрендәге хастаханәләрдә. Бүген табиблар соравы буенча обсерватор җәелдерелде. Ул госпитальдән ерак түгел урнашкан. Монда табиблар өчен яшәү өчен барлык уңайлы шартлар тудырылган.