Район башлыгы ашыгыч медицина ярдәме коллективын бәйрәм белән котлады

2020 елның 28 апреле, сишәмбе

Ашыгыч медицина ярдәме хезмәткәрләре көне 28 апрельдә билгеләп үтелә.

Бүген район башлыгы Тимур Нагуманов ашыгыч ярдәм станциясендә булды һәм коллективны бәйрәм белән котлады.

Әлмәт ашыгыч медицина ярдәме хезмәте - шәһәр һәм район сәламәтлек саклау системасында ашыгыч очракларда, бала табучы хатын-кызларны транспортлауда, кинәт авыруларда, бәхетсезлек очракларында, имгәнүләр һәм госпитальгә кадәрге этапта медицина ярдәме күрсәтүче иң мөһим звеноларның берсе. Ашыгыч медицина ярдәме станциясенең төп структур берәмлеге - күчмә бригада. Әлмәт районы һәм шәһәренең ике йөз меңнән артык халкына хезмәт күрсәтү өчен көн саен 11 гомумпрофильле тәүлек буе эшли торган бригада чыгарыла.